thagattur-gugan

சிலிண்டர் பெற்ற மறுநாளே அடுத்த சிலிண்டருக்கு பதிவுசெய்யலாம்

First Published : 11 Apr 2012 01:30:29 PM IST

மதுரை, ஏப்.11: சமையல் எரிவாயு சிலிண்டர் பதிவு செய்ய இனி நீண்ட நாட்கள் காத்திருக்க வேண்டியதில்லை, சிலிண்டர் பெற்ற மறுநாளை புது சிலிண்டர் பெற பதிவுசெய்யலாம் என்று இண்டேன் மண்டல மேலாளர் முரளி தெரிவித்துள்ளார்.
இது தொடர்பாக செய்தியாளர்களிடம் அவர் கூறியதாவது:
சமையல் எரிவாயு சிலிண்டருக்கு பதிவு செய்ய தற்போது ஐ.வி.ஆர்.எஸ். முறையில் எஸ்.எம்.எஸ். அறிமுகம் செய்யப்பட்டிருக்கிறது. இதன் மூலம் ஆங்கிலத்தில் ஐ.ஓ.சி. என்று டைப் செய்து சிறிது இடைவெளி விட்டு வினியோகஸ்தரின் போன் நம்பரை டைப் செய்ய வேண்டும். பின்னர் வாடிக்கையாளரின் நுகர்வோர் எண் ஆகியவற்றுடன் தமது செல்போனில் இருந்து 8124024365 என்ற எண்ணுக்கு எஸ்.எம்.எஸ். அனுப்பும் முறை தற்போது நடைமுறையில் உள்ளது.
வாடிக்கையாளர்கள் இந்த எண்ணில் 24 மணி நேரமும் எல்லா நாட்களிலும் பதிவு செய்யலாம். இதற்கு முன்பு சிலிண்டர் வந்த 21 நாட்களுக்கு பிறகுதான் கம்ப்யூட்டரில் பதிவுசெய்ய முடியும்.
ஆனால் இந்த புதிய முறையில் வாடிக்கையாளர்கள் சிலிண்டர் வாங்கிய அடுத்த நாளே அடுத்த சிலிண்டருக்கு பதியலாம். இப்புதிய முறையால் கேஸ் நிறுவனங்களில் பதிவுசெய்ய மறுக்கின்றனர் என்ற புகார் வராது. தற்போது வாடிக்கையாளர் பதிவு செய்தபின் சிலிண்டர் விநியோகிக்க 30 முதல் 45 நாட்கள் வரை ஆகிறது. இந்த இடைவெளியை குறைக்க நடவடிக்கை எடுக்கப்பட்டு வருகிறது என முரளி தெரிவித்தார்