thagattur-gugan

புருஷன் வீட்டல் வாழப்போகும் பெண்ணே!

பெண்கள் திருமணமாகி கணவர் வீட்டுக்குச் செல்லும் போது, கடைபிடிக்க வேண்டியது குறித்த அறிவுரையை நபிகள் நாயகம்(ஸல்) அவர்கள் வழங்கியுள்ளார் கள். அவர்கள், தன் திருமகளார் பாத்திமா(ரலி)க்கு வழங்கிய அந்த அறிவுரை எல்லாப் பெண்களுக்கும் பொருந்தும்.
* மகளே! ஒரு பெண் (தான் செய்த குற்றத்திற்காக) தனது புருஷனிடம் பாவமன்னிப்பு கேட்டு, புருஷனைத் திருப்திப்படுத்தாத வரையில் அவள் சொர்க்கம் நுழையமாட்டாள்.
* மகளே! ஒரு பெண் தன் கணவனுக்கு துன்பமும் துயரமும் கொடுத்தால், அல்லாஹ் அவளைச் சபிக்கிறான். அவள் செய்கின்ற எந்த நன்மையும் (வணக்க வழிபாடுகளும்) வானத்தில் உயர்த்தப் படுவதில்லை.
* மகளே! கணவன், மனைவி ஒருவருக்கொருவர் (முகம்) பார்த்து மகிழ்ச்சியடைந்தால், அவர்களைப் பார்த்து அல்லாஹ் மகிழ்ச்சியடைகின்றான். அவ்விருவருக்கும் ரஹ்மத் செய்கின்றான்.
* மகளே! கணவனும் மனைவியும் மகிழ்ச்சியான நிலையில் கைகளை இணைத்துப் பிடிப்பாராகில், இருவருடைய விரல்களுக்கு இடையில் அவர்களின் பாவங்களெல்லாம் கீழே உதிர்ந்து விடுகின்றன.
* மகளே! ஒரு பெண் தன் கணவனுடைய வார்த்தையை மீறி நடப்பாளேயானால், அல்லாஹ் அவளுடைய தொழுகை, நோன்பு, ஜக்காத் முதலிய இறைவழிபாடுகளை ஏற்றுக் கொள்வதில்லை. உணவின் வாசலும் அடைபட்டு விடும். 
* மகளே! ஒரு பெண் தனது கணவனுடைய உத்தரவின்றி வெளியேறினால், அவள் எடுத்து வைக்கும் ஒவ்வொரு அடியின் கீழும் உள்ள மணல், கல், சூரியன், சந்திரன், தாரகை (நட்சத்திரம்) அனைத்தும் அவளைச் சபிக்கும்.